வஞ்சித் தலைநகராம் கருவூரின் மேற்கே கொடுமுடி செல்லும் சாலையில் 5 கல் தொலைவில் அமைந்துள்ளது எங்கள் குலதெய்வத்திருக்கோவிலான ஆத்தூர் ஸ்ரீ சோளியம்மன் திருகோவில். கோவில் எந்த நூற்றாண்டில் தோற்றுவிக்கப்பட்டது என்பதை சரித்திர ஆராய்ச்சியாளர்களே சொல்ல இயலும். ஆயினும் பல நூற்றாண்டுகளுக்கு முன்பே ஸ்ரீ சோளியம்மன் வடக்கு நோக்கி அமர்ந்து அருள்பாலிக்கும் நிலையிலும் ஸ்ரீ முத்துசாமி கிழக்கு நோக்கி கத்தி, கவை முதலிய ஆயுதங்களுடன் துஷ்ட சம்ஹாரியாகவும் சாம்பவன், பட்டவன், வாக்கார அப்பிச்சி ஆகிய பரிவார மூர்த்திகள் புடை சூழவும் இலுப்பை மரத்தை தலவிருட்சமாகவும் கொண்டு இருந்து வருகிறது.